Home » Blog » Halaat Kahani

Halaat Kahani

Mujh se kisi ne pocha , Kia tumhe khawab bhi angrezi mai ata hai ?

Main ne herani mai kaha, Nahi !

Phir mujse pocha gaya, acha…! tou kia tum sochti bhi angrezi mai ho ?
Ab ki baar main ne muskura ker jawab diya. “Haan, kabhi kabhi.”

Yunhi sawal o jawab ka silsila chalta raha, main kabhi ulajh ker kabhi muskura ker haan naah mai sir hilati rahi.  Main is zaviye ki addi ho chuki thi. Log akser yehi sochte thay, angrezi bolti hai shayad sochti bhi angrezi mai ho jazbaat bhi angrezi ho, adaaat bhi angrezi or rasmo rawaj bhi angrezi.  Main jahan tak mumkin ho saka baat ka jawab deti gai, phir achanak se chup hogai.

“Phir Ab urdu main likhti kyun nahi?” aik or sawal ka wajdaan hua.

Main kuch dair us sawali ki ankho mai ankhein daale ghoorti rahi. Sakhti se nahi, nah talkhi se….bus naram ankhon se,  tik takki lagaye. Dosri taraf jawab ka intezar barh raha tha, likin yeh bhi ek nagawaar haqeeqat thi mere hont ab tak  junbish se khali thay..

“Kia soch rahi ho…?”

“Jo beeti hai..” Main ne sada se andaaz mai jawab dia aur nazrein chura leen.

“Kia beeti hai?”

“Jiska mein ne zikar nahi kiya.”

“Kyun zikar nahi kia ?”

“Kyun ziker nahi kerte?” main ne bhi tukri ba turki sawal kiya

Kuch dair ab dosri janib khamoshi rahi. Sir jhukaye, mu banaye, bilkul gehri khamoshi rahi. Wo bhi kiya khoob soch ka sannata tha, Phir us ne is sannatte ki matt maar di.

“Tumhe shairi nahi atti hogi, isi liye. Ya phir…..”

“Ya phir?” Mera dil mazeed bujh gaya.  kyun log kerte hain esi baatein? Kia hai ye sab? Kyun hain hum log esey….?

“nahi bs, yehi wajah hai. Tumhe shairi nahi ati warna log akser shairi main bohat kuch keh jate hain.”

Mera dil chaha main haath mai pakri kitaab us ke sir pe de maroon. Likin meri saadgi, maine ne dheemi si muskurahat dey maari. Akhir k us ne sach hi kaha tha. Muje shairi kahan ati thi?

“Angrezi tou ati hai na?” …”haan ati hain, per uska is se – ” , Uska is se taluk mat pocho. Bus keh daalo.”

Likin main chup rahi. Itney main mehfil mai do aur parwaney shamil hogaye. do se teen, teen se chaar, in rasmi si baaton ke liye sab jama hogaye. kisi ne chand alfaaz main tashbeeh dey ker dil ki duniya keh daali

Subah ki coffee ki tarah,,

Zindagi bhi,

Joon joon sard hoti gayi,

Talkh hoti gayi….!

Kisi ne mohabbat pe shair sunaya, kisi ne nafrat main ghazal parhi.

Unki urdu is kadar nafees, meri urdu….kuch  khass nahi…bus meri sochon tak mehdood rahi.

Main chup rahi. 

“Chalo chalo, ab tumhari baari hai!”

“Kia kahoon?” … muje sab ne apne mazakh ka nishana banaya. Main ban bhi gai. “Ms angrez, kuch kahen ap b ab urdu zubaan mai. Arey per apko tou shairi nahi atii….? ke uska bhi angrezi mai wajdaan hota hai ?”

“Angrezi bolna yaani jurm hua.” …”haan bilkul! … sanjeedgi ki zubaan bus ek zubaan hai…Urdu!”

“Acha?” mujhe is baat per bey panaah hassi aii. Main Chup rahi.

Phir mujse 1 ghante mai panchween martaba pocha gaya, Tumhe waqai kia her dil ki soch  angrezi mai ati hai? …”Nahi!”  main chup rahi.

“Haan, mujje yeh rasmi rasmi sa izhar nahi ata. Muje jo soch ati hai, behad saadi bohat bey baak si ati hai .  yeh rasmi sa izhar nahi ata”

Main ne side per rakh di gai apni kitaab phir se utha li , or is mehfil se anjaan ban ker beth gai. Wo bare logon ki anjuman thi. Main ek choti si adeeb, wo bhi angrezi zubaan ki. Kahan ata tha mujse ye sab kehna? likin wo ba zidd, or mai – bechargi ki hadd tak lafzon se ghareeb.

Mere haath mai aik kagaz thama dia gaya, shair nah sahee, kisi soch ka aik tukra hi sahee. ‘Batao, dil ki duniya. tum kia kahogi?”. Main ne sir jhukaye kagaz lotaya, laptop on kia or likha shuru hogai…

Nah tashbeeh di nah tang kheenchi…Maine aik hi baat ko ek hi jumle ko  kitni hi zubanon mai likh dala.  Kisi zubaan ka kuch aser betha, kisi ka kuch nikla…. Per wo samjh gaye! Nah meine backspace ka istemal kia nah  save file click kerne  ki zehmat kerna samjhi.

Unke samne screen rakh di. Unhon ne sab parha per phir bhi nazar khas us urdu ke bey baak jumley per mehwar rahi. Wo khamoshi se taktey gaye, main narmi se  talkhi ka ehsas chorey kamrey se bahir nikal aii..

Ab koi nahi pochta mujse … kyun hain mere halaat Talkh ….kisi bhi zuban mai!!! yun rasmi rasmi.

Note: its first time ,a full post in Roman Urdu on this blog by me. Please excuse any of my Urdu mistake.

  • Shairi karni to door ki baat, mujhey to shairi samajh main hi nahi aati hai. Yeh aaj kaisey sanjeeda tabiyat ke logoun ke saath tumhara uthna beythna horaha hai?

    • Barey hi adeeb or kadeem log !

  • A. Khan

    Ah !….bohat hi dil se likha gaya ..
    You smartly said it all and concealed it all at the same tyme. Its very touching what you wrote

    aapki urdu bilkul buri naheen
    Shayari aye na aye apko afsana nigari zaroor ati hai Khanum

    • Meri urdu ki tareef ke liye shukriya. I suck at urdu wese most of the times! : )

  • A. Khan

    “Wo khamoshi se taktey gaye, main narmi se talkhi ka ehsas chorey kamrey se bahir nikal aii..”

    Bari gehri baat!!

    • Gehrey logon ke liye gehri , khokley logon k liye … just words 🙂

  • Shairi anay say zaruri nae urdu ajaye… Zubaan ki khoobsurti dhoondnay per mujhe tou hamesha prose mein hi mili hai… ya shayed poetry nay kabhi itna ziada attract bhi nae kiya… kyonke nazam mein tou darya ko kozay mein band kerna bohat asaan hai per amm zubaan mein yeh kerna behad mushkil

    • Bilkul sahee kaha hai , Devil. Esa hi hai

  • tariq

    nice one,,,,,,,,,english -urdu-punjabi or arabic ,,,its not a big matter .important is what u r writting n people understading.go ahead,,,,,,thanks n bye

  • M.TARIQ SAEED BUTT, GUJRAT-PAKISTAN

    HI–READ U AFTER MANY DAYS BEING IN PAKISTAN .NICE N TOUCHING ONE…ITS NAT A BIG DEAL …IN WHICH LANGUAGE U WROTE…..BUNDAY KO SAMJ ANEE CHAHIAY….JO B LIKHA GIA HO…GOD BLESS U AL;WAZ .AT LEAST U HAVE ONE MORE FAN……THANKS N BYE

    • thank you for the praises, im really no one to have fans but thanks.

  • abasits

    Well, I actually see only One meaning to it …
    And yeah, when your next write is coming up ?
    I read this few times too, but was in search of coming one …..

    waiting Pervisha ….. !
    Another Fan.,

  • lol kon kahta ha tumhe urdu ni ati ? lol itni mushkil urdu likhi ha ke sar ke uper se guzar gai 😀
    btw nice 2 know ke u are Pakistani 🙂 idher wordpress pe Pakistani bloggers se mil ker dil garden garden ho jata ha 😀

  • faiza

    nyc visha keep it up…..

  • though it always takes time to read in roman but good post 🙂